Ұзынкөл орталықтандырылған кітапхана жүйесінде кітапхана оқу залында тілдерді оқыту орталығымен бірлесе шолу сабағы "Сәкен Сейфуллин өмірі мен шығармашылығы" атты іс-шара ұйымдастырылды. Көрнекті қазақ ақыны, жазушы және мемлекет қайраткері Сәкен (Садуақас) Сейфуллиннің туғанына биыл 130 жыл толып отыр. Оның өмірі оқиғаларға, күрес пен жетістіктерге толы болды, ал шығармашылығы қазақ мәдениеті мен әдебиетінің тарихында өшпес із қалдырды. Шара кезінде көгілдір экраннан Сәкен Сейфуллин: "Мен көндім!" бейнебаяны көрсетілді.

Кітапхана кітапханашысы Н.С. Бетаева Қазақстан мерейтой иелеріне, жазушыларына арналған "Үш бәйтерек" әдебиетінің шолуын ұсынды. Оқырмандар жазушылардың өмірбаяндарымен және шығармашылығымен танысты. Қазақ халқы "Үш бәйтерек" деп атап кеткен Ілияс Жансүгіров, Сәкен Сейфуллин, Бейімбет Майлин.

Іс-шараға мектеп оқушылары белсенді қатысып, бағалы сыйлықтармен марапатталды.

«Бір ел - бір кітап» республикалық акциясы елімізде 2007 жылдан бастап ҚР Мәдениет және спорт министрлігінің қолдауымен Қазақстан Республикасының Ұлттық Академиялық Кітапханасы мен ҚР кітапханалар қауымдастығының бастамасымен өткізіліп келеді. Жазушы, балалар әдебиетінің классигі, 2024 жылы 100 жылдығы ЮНЕСКО көлемінде аталып өтетін Бердібек Соқпақбаевты оқуды бірауыздан қолдады.

Акцияның мақсаты - ұлттық әдебиетіміздегі ең үздік туындыларды оқу және насихаттау, оқу ісін ілгерілету, рухани мұрамызды сақтау, сондай - ақ жастарға рухани - адамгершілік және патриоттық тәрбие беруге бағытталған. Сонымен қатар, акция қоғамның отандық әдебиетке, оның ішінде классикаға, қазіргі әдебиет пен поэзияға деген қызығушылығын әрі қарай жоғарылатуына мүмкіндік туғызады.

«Бір ел - бір кітап» акциясы аясында 2024 жыл бойына ел болып қазақ прозасына ғажайып сипат әкелген көрнекті қазақ жазушысы Б.Соқпақбаевтың шығармаларын оқу ұсынысы қабылданды.

Биыл балалар әдебиетінің классигі, жазушы Бердібек Соқпақбаевтың туғанына 100 жыл толып отыр. Қаламгер Алматы облысы Нарынқол өңірінде туды.

Бердібек Соқпақбаев - әлем таныған жазушы. Балалар әдебиетінің классигі. ХХ ғасырда қазақ әдебиетін Хантәңіріндей биігіне көтерген қарымы бөлек қаламгер, таудай талант. Өзі өмір сүрген ортаның кезең келбетін көз алдыға келтіре кескіндеген, заманның шындығын жүрек сыздата суреттеген, сол бір уақыт, сол бір күндердегі ел өмірін мөлдірете, жан - жүректі елжірете мүсіндеген алғыр ойлы, қайсар мінезді, қайтпас рухты шоқтығы биік ұлы тұлға. Тарихтың тозбасындай, шындықтың өлмейтініндей Бердібек Соқпақбаевтың да бүкіл шығармалары сан мыңдаған, миллиондаған оқырманның жүрегіне жылы жазылып, өшпестей сақталып, жатталып қалды.

Таулы аймақтың әсем табиғаты мен адам тағдырын шығармаларына арқау етті. Оның «Менің атым Қожа», «Балалық шаққа саяхат» сынды қазақ әдебиетін байытқан тамаша туындыларын әлем таныды. Бердібек Соқпақбаев қазақтың сөз өнеріне өзгеше өрнек, ғажайып сыр - сипат алып келген қаламгер. Балалар мен жасөспірімдерге арналған көптеген әңгіме, повестері жарық көрді. Ал «Менің атым Қожа» повесінің желісі бойынша түсірілген фильм жазушы атын әйгіледі. Жарты ғасырдан аса уақыт өтсе де бұл кино көрерменнің ыстық ықыласына ие болып келеді. Жазушы «Қазақ әдебиеті» газетінде, «Балдырған» журналында, Ш.Айманов атындағы «Қазақфильм» киностудиясында жұмыс істеген. «Бозтөбеде бір қыз бар», «Өлгендер қайтып келмейді», «Қайдасың, Гауһар» секілді шығармалары көптеген шет тілдеріне аударылып, сахналық, экрандық нұсқаға айналған.

Бүгін ХХІ ғасырда кітаптары сөреден таптырмаса да, жүректерге жатталып қалған Бердібектей жазушы бақытты қаламгер. Халқы сүйген, қалың оқырманы бағасын бере құрметтеген жазушы. Өлмес туындыларымен Мәңгілік Елдің көгінде жарық жұлдыздай жарқырап қана тұратын сондайлық ыстық бейне, қымбат жүз, құрметті есім!

Баршаңызды Бердібек Соқпақбаевтың шығармаларын бірге оқуға шақырамыз!

Биылғы жылы «Бір ел - бір кітап» республикалық акциясы аясында көрнекті қазақ жазушысы, балалар әдебиетінің классигі, ЮНЕСКО-ның есте қалатын даталар күнтізбесіне 100 жылдық мерейтойы енгізілген Бердібек Соқпақбаевтың шығармаларын оқып жатырмыз. «Бір ел - бір кітап» акциясы Акцияның мақсаты - қазақ әдебиетін кеңінен насихаттау, рухани мұраны сақтау, отандық әдебиетке, оның ішінде классикаға, заманауи әдебиет пен поэзияға қоғамның қызығушылығын арттыру. «Бір ел - бір кітап - 2024». Биылғы жылы «Бір ел - бір кітап» республикалық акциясы аясында көрнекті қазақ жазушысы, балалар әдебиетінің классигі, ЮНЕСКО-ның есте қалатын даталар күнтізбесіне 100 жылдық мерейтойы енгізілген Бердібек Соқпақбаевтың шығармаларын оқып жатырмыз. Соқпақбаев Бердібек Ыдырысұлы (15.10.1924 - 24.06.1991) - қазақ балалар жазушысы, ақын, сценарист, Қазақстан Жазушылар одағының мүшесі. Бердібек Соқпақбаев Алматы облысы, Нарынқол ауданы, Қостөбе ауылында дүниеге келген. Ол ізденімпаз, қабілетті бала болып өсті. Баланың бойына білімге деген сүйіспеншілікті кейін соғыста қаза тапқан ағасы сіңірген. Әскери борышын өтегеннен кейін Б.Соқпақбаев Алматыдағы Абай атындағы Қазақ педагогикалық институтының филология факультетін бітіріп, бірнеше жыл ауыл мектебінде мұғалім болып, көп журналистік қызмет атқарды, газет редакцияларында қызмет етті. және «Қазақ әдебиеті», «Балдырған» журналдары. «Қазақфильм» киностудиясында редактор болған. Оны педагогика, бала тәрбиесі мәселелері үнемі толғандыратын. Бердібек Соқпақбаев шығармаларында көп нәрсе автордың өмірінен алынған. Бердібек Соқпақбаев жазушылық жолын «Бұлақ» («Көктем») өлеңдер жинағынан бастады. 1950 жылы жарық көріп, оқырмандарын бірден тапты. Жазушының келесі кітаптары - «Чемпион» повесі 1951 жылы, «Алыстағы ауылда» (повесть, 1953), «Менің атым Қожа» (повесть, 1957), «Балалық шаққа саяхат» (повесть, 1960), «Өлгендер қайтып келмейді»? - Қайдасың, Гауһар? (әңгіме, 1966). Бердібек Соқпақбаев - бірнеше пьесалар мен киносценарийлердің авторы. Оның сценарийі бойынша 1967 жылы түсірілген «Менің атым Қожа» көркем фильмі Канн халықаралық кинофестивалінде жүлделі орынға ие болды. 1990 жылы республикалық «Жұлдыз» әдеби журналы 1978 жылы шығаруға батылы жетпеген «Ергежейлiлер елiне саяхат» атты кiтаптың толық нұсқасын басып шығарды.

"Бір ел - бір кітап" республикалық акциясы елімізде 2007 жылдан бері 15 жыл бойы ҚР Мәдениет және спорт министрлігінің қолдауымен Қазақстан Республикасының Ұлттық Академиялық Кітапханасы мен ҚР кітапханалар қауымдастығының бастамасымен өткізіліп келеді. Акцияның мақсаты - ұлттық әдебиетті насихаттау, тарихи-мәдени және рухани мұраны сақтау, жастарды адамгершілік-патриоттыққа тәрбиелеу, ана тілін құрметтеу. Baitursynov Akhmet2022 жылы ұлтымыздың ұлы ұстазы, қазақ ағартушысы, мемлекет қайраткері, лингвист ғалым, әдебиеттанушы, түркітанушы, ақын және аудармашы, қоғам қайраткері және саяси публицист, реформатор, Алаш партиясының мүшесі Ахмет Байтұрсыновтың (1872-1937) туғанына 150 жыл толады. Биыл «Бір ел - бір кітап» республикалық акциясы Ахмет Байтұрсыновтың ғылыми және әдеби шығармашылығына арналады. 2022 жылы «Бір ел - бір кітап» акциясы бойынша еліміз Ахмет Байтұрсынұлының шығармашылығын келесі бағыттар бойынша зерттейтін болады:

- «Ахмет Байтұрсынұлының ғылыми мұрасы»;

- «Ахмет Байтұрсынұлының әдеби шығармалары»;

- «Ахмет Байтұрсынұлының қанатты сөздері»;

- Қазіргі ғылымдағы Байтұрсыновтану».