«Абай оқулары» мерекелік іс-шарасы – 180 жылдық мерейтой мен «Кітап Time» кітап фестивалі аясында өтті.
2025 жылдың 24 қыркүйегінде Ұзынкөл ОКЖ кітапханасының ұйымдастыруымен қазақ халқының ұлы ақыны, ағартушысы, философы және қоғам қайраткері Абай Құнанбайұлының 180 жылдығына арналған «Абай оқулары» атты мерекелік іс-шара өткізілді. Бұл мәдени шара «Кітап Time» республикалық кітап фестивалі аясында ұйымдастырылып, көпшілікке рухани азық сыйлады.

Шараның мақсаты – ұлы ойшылдың өмірі мен шығармашылығын кеңінен таныту, Абай Құнанбайұлының өлеңдері мен қара сөздерін мәнерлеп оқу арқылы жастарды ұлттық құндылықтарға баулу, әдебиетке деген сүйіспеншілікті арттыру.

Іс-шара орны: Ұзынкөл ауданының жаңа орталық алаңы
Ұйымдастырушылар: Ұзынкөл ОКЖ кітапханасы, Аудандық мәдениет және тілдерді дамыту бөлімі

Бағдарлама мазмұны:

• Абай шығармаларын мәнерлеп оқу;
• Ақынның әндерін орындау және музыкалық қойылымдар;
• Абай өмірі мен шығармашылығына арналған викториналық сұрақтар.
• Салтанатты ашылу:

Іс-шараның ашылуында:

• Ұзынкөл ауданы әкімдігінің мәдениет және тілдерді дамыту бөлімінің басшысы Лазарева В.В.
• Ұзынкөл ОКЖ кітапханасының басшысы Булатова Н.А. құттықтау сөз сөйлеп, шараның маңыздылығына тоқталды.
• Шара жүргізушілері – кітапханашылар Бердигожина Б.Ж. мен Бетаева Н.С.

Өнер көрсетілімдері:

• Абайдың «Көзімнің қарасы» әнін Бетаева Махаббат және Айсенов Бахтияр орындады (Ұзынкөл мәдениет үйі).
• №1 мектептен Шустикова Светлана мен Несина София, К.Дөненбаева атындағы мектептің 4-сынып оқушылары Абай шығармаларын тебірене оқыды.
• Амангелді Сұлтан мен Дина Төребаева өз өнерлерімен көрермен ықыласына бөленді.

Қорытынды:

«Абай оқулары» мерекелік шарасы «Кітап Time» фестивалі аясында өтіп, Абай мұрасын кеңінен насихаттауға, жастарды әдебиетті сүюге тәрбиелеуге бағытталды. Шара соңында барлық белсенді қатысушыларға естелік сыйлықтар табысталды.
#КітапTime