Ұзынкөл орталық балалар кітапханасында қазақтың белгілі жазушысы Міржақып Дулатовтың 140 жылдығына арналған «Көрнекті адамдардың өмірі. Жизнь выдающихся людей» атты кітап көрмесі ұйымдастырылды.

Көрмеде Міржақып Дулатовтың өмірі мен шығармашылық жолын таныстыратын материалдар, оның әдеби туындылары, сондай - ақ жазушының қазақ мәдениеті мен ағартушылығының дамуына қосқан үлесін ашып көрсететін басылымдар қойылған. Экспозиция келушілерді ұлы тұлғаның өмірбаянымен, «Алаш» қозғалысындағы рөлімен және оның еңбектерінің Қазақстан тарихындағы маңызымен таныстырады.

Кітап көрмесімен кітапхана оқырмандары, сондай - ақ түрлі ұйымдар мен мекемелердің өкілдері танысып, жазушының әдеби және тарихи мұрасына қызығушылық танытуда.

Көрме барлық ниет білдірушілерді жазушының бай мұрасымен танысып, оның өмірі мен шығармашылығының жаңа қырларын ашуға шақырады.